Naja Arctica Aalborgimi ikuallaleraluartoq
Motoreqarfiup saniani ini ikuallappoq, qatserisartullu apuutinnginneri ikuallannerup ilaa inuttanit qaminneqarsinnaasimavoq.
- Umiarsuarmi inuttat iliuuseqapallannerisigut ikuallannerata ilaa qaminneqarsinnaasimavoq. Maskinaqarfiup, uuliaqarluni allanik ikuallassinnaasunik peqartup ikuallannera siaruaatipallassinnaagaluarpoq, qatserisartuneersoq Peter Reinau nordjyske.dk-mut taama oqarpoq.
Inuttaq ataaseq nakkutigisassanngorlugu unitsinneqarpoq
Umiarsuarmi inuttaq ataaseq putsumik iioraasimanera pissutigalugu nakkutigisassanngorlugu napparsimmaviliaanneqarsimavoq. Inuttallu iliuuseqapallassimanerat Aalborgimi qatserisartut pisortaannit nersualaarneqarpoq.
- Iliuuseqapallassimanngitsuuppata ikuallattoorneq annertuupilussuanngorsimasinnaagaluarpoq, Peter Reinau oqarpoq.
Naja Arctica Aalborgimit marsip aqqarngani aallartussaagaluarpoq Reykjavikimut marsip 15-iani aqqusaarsinnarluni nunatsinnut ingerlaqqilluni. Ikuallattoorneq angalanissaanut sunniuteqassanersoq ilisimaneqanngikkallarpoq.
