Naja Abelsen Ærømi saqqummersitsilerpoq
Eqqumiitsuliortoq Naja Abelsen Ærømi kisimiilluni siullermeertumik aqagu saqqummersitsissasoq, Fyns Amts Avis allappoq. Saqqummersitsineq Grønlandske Glughuller-imik taagugaq Ærø Museum-imi takuneqarsinnaassaaq.
Allattoq Anda Kristiansen
Naja Abelsen Fyn-ip kujataatungaani qeqertaaqqamut Ærømut siorna nuuppoq.
Saqqummersitsinermi takusaasut suliat ineriikkat kisiisa takunagit aammali suliarineri takusinnaassavaat.
Ulluni aalajangersimasuni saqqummersitsinermi Naja Abelsen suliaqartassasoq aviisimi allaatigineqarpoq.
Naja Abelsen arfarmik kalaaliuvoq saqqummersitaanilu Ærø-p eqqaanit tassungalu tunngasut takuneqarsinnaajumaarput.
Saqqummersitsinerup sisamanngornermi ammarneqarneranut atatillugu Rasmus Lyberth appisimaarumaarpoq.