Naggueqativut pillugit filmi Jørgen Rielip atuakkiaanik aallaavilik

Isuma Productions akissarsitinneqartunik siusinnerusukkut filmilioreerpoq, tassaasunik Atanarjuat - The Fast Runner - aamma The Journals of Knud Rasmussen. Danskip atuakkiortup Jørn Rielip atuakkiaa ”Før morgendagen” tunngavigalugu filmi suliaavoq. Naggueqatigiit Inuit europamiullu ukiut hornorujut arlallit matuma siorna imminnut naapeqqaarnerat, kingunipiluilu, pillugit taanna atuakkiaavoq.

Arnat filmiliortartut Arnait filminik pisimasuinnik tunngavilinnik arlalinnik suliaqareernikuupput, taakkunani naggueqatigiit Inuit arnartaat qitiutinneqartarlutik, inuiaqatigiit pillugit ilisimasaat, inuiaqatigiinnilu kulturi pillugu ilisimasaat sammineqartarlutik.

Maannalu filmiliami tamanna aamma sammineqarpoq, Jørn Rielip atuakkiaa tunngavigineqaraluartoq manusia allatut allanneqarsimavoq, tassa imaa Kalaallit Nunaanniit Canadami nunaqarfimmut Nunavimmiittumut Puvirnituq-mut nuuginnarneqarsimammat.

Filmi festivalini arlinni iluatsilluartumik takutinneqareerpoq.

- Filmimi oqaluttuarineqartut inuit uummataannik sumi tamani attuipput, aamma naggueqatigiit Inuit taakkulu kulturiat ilisimanngikkaluarlugu, filmimik ilitsersuisoq, Marie-Helene Cousineau, aviisimut Montreal Gazette-mut oqarpoq.