Naggueqativut kunngikkormiunit tikeraarneqassapput
Tuluit kunngissaata ernera prins William nulialu Kate Canadami tikeraarnerminni naggueqatigiit Inuit nunaqarfii arlallit tikeraassavaat.
Pisortatigoortumik tikeraarneq ullunik quligiluanik sivisussuseqarpoq. Aappariit Yellowknifemi inngernermik aamma qinunermik juulip tallimaani takutitsiffigineqassapput. Tamassuma saniatigut inuit timersuutaat arlallit takutinneqassallutik.
Inuusuttut Inatsisartui aamma pulaarneqassapput, taamatullu ilisimatusarfik Dechinta Centre pulaarneqassalluni, ilisimatusarfik taanna inuit oqaasiisa aamma kulturiannik inuusuttunit pigineqaleqqinnissaanik suliniuteqartuuvoq.
Tuluit kunngissaata ernerata nuliatalu illoqarfiit nunallu immikkoortui katillugit arfineq-marluk tikeraassavaat, tusagassiortunillu 1.300-nit malinnaavigineqassallutik.