Naggueqativut ammimikkut aniornerusarput
Canadamiut tallimaagaangata ataaseq amerluttuusarpoq, Nunavumili Inuit pingasuugaangata ataaseq taama nappaateqartarpoq.
Amerluutinut nakorsat immikkut ilisimasallit Ottawami kattuffianneersut 18-it Nunavumi Iqalunni septembarimi ataatsimiipput, misissuinermik kingulliit inernerinik tassani imminnut avitseqatigiillutik. Taamallillunilu kistsisit kingulliit paasineqarput.
Ammip nakorsaasa ataatsimiinneranni aamma paasinarsivoq amerluut Dermatitis Canadami Inuit akornanni nalinginnaanerpaasoq, kingornuttagaasoq, immaqalu Nunavut-p avinngarusimanera pissutigalugu Inuit taama amerluuteqalersartut.
Dermatitisip malunniutiginerusarpai nallukkut imaluunniit tallip peqittarfiata qitunnersaatigut ungilattorujussuarnik tinupasuaraninneq, amerluullu taanna meeqqanit inuusuttunillu atugaanerusarpoq.
Ammip nappaataannut nakorsat immikkut ilisimasallit Nunavumi innuttaasut peqqissusaat misissuivigissamaalerpaat, piffissamilu aggersumi akuttunngitsumik ataatsimiittarniarput.
