Naggueqatitta theliaat nersornaaserneqarput
Nersornaaserneqartoq tassaavoq Nunavimmi kulturikkut suliniuteqarfik Avataq.
Theliassat nersornaatisissutigineqartut tassaapput issittumi naasunit pisut. Taakkua Nunavimmi naggueqatitsinnit katersorneqarlutik panertinneqartarput, Canadallu sinneranut tuniniarneqartarlutik.
Naasut assigiinngitsut talllimat theliassatut suliarineqarneranni akuneqartarput, taakkualu tuniniarneqarneranni taaguuteqartinneqarput, 'Northern Deligthts' - 'Avannaanit mamartuliat'.
Kulturikkut suliffeqarfik Avataq Nunavimmi suliffissanik pilersitsimanera, naasullu pillugit ilisimasanik ingerlatitseqqiinera pillugu inuussutissalerinerup iluani nersornaammik tunineqarpoq.
- Nersornaaserneqarnerput pilluaatigaarput. Theliassatut katersortakkagut tusaamaneqarluarnerat ilisimavarput, nersornaaserneqarnerput suliatsinnut nukissanik ineriartortinneqarnissaannullu periarfissippaatigut, Nunavimmi kulturikkut suliniuteqarfimmi Avatameersoq, Taqralik Partridge oqarpoq.
Issittumi naasut Nunavummi theliarineqartut, Amerikap avannaani nunarsuullu sinneranut tuniniarneqalernissaat Avatamit neriuutigineqarpoq.