Naggueqatitta ilaat børnehaveklassertalerput
Meeqqat sisamanik tallimanilluunniit ukioqaleraangamik siulinit kingornussat pillugit ilinniagaqarnissaat kinaassutsimut pingaaruteqartupilussuuvoq, internetikkut tusagassiassaqarfik Your Ottawa Region.com allaaserinnippoq.
Meeqqat aappaatali affaanik ukioqarlutik Ottawa Inuit Children Centre-mi paarineqartarsimapput, canadamiullu illoqarfissuanni sumiiffinnit assigiinngitsuneerlutik.
Paaqqinnittarfimmi tassani oqaluttuatoqqat aqqutigalugit kulturikkut kingornussatik pillugit qaammaassaqalereerput.
- Atuaqatigiilersut ernerma anersaava takusinnaavaat sikkertillugulu, meeqqat ilaata anaanaa Jessie Kangok taalliortorpalaannguarluni oqaluttuarpoq.
Meeqqallu taakkua sullinnissaat aamma pilerigineqarluarsimavoq. Klasselæreritut atorfik inunnit 200-nit qinnutigineqarsimasoq, Your Ottawa Region.com-imi allaaserineqarpoq.
