KNR-TV-p canadamiut TV-qarfiat ISUMA-TV suleqatigiinnissamik isumaqatigiissuteqarfigeqqammerpaa. Tassalu imaalissaaq KNR-ip siunissami Canadami naggueqatitta aallakaatitassiaat KNR-TV-ikkut takutinneqartalissallutik.
Naggueqatitta filmiliaanni siulliullugu KNR-TV-kkut jannuaarip 13-ianni takuteqqaarneqartussaq tassaavoq qulequtalik Qaggio – taannalugooq isumaqarpoq ”naapittarfik” filmi imaqarpoq ilaqutariit sisamat qaggeqarnerat. Filmimi oqaatsit atorneqartut Inuktitut oqaasiupput tuluttullu ataatigut allagartalersugaallutik.
KNR-ip ISUMA isumaqatigiissuteqarfigigamiuk una pivaa; kalaallit oqaasiinut assingusunik oqaasertallit amerliartornissaat aallakaatinneqarnerulernissaallu, ilaatigut taama KNR tusagassiutinut nalunaarummini tunngavilersuivoq.
Canadamiut inuit KNR-TV-miit nittartakkaminni www.isuma.tv-mi takutittassavaat kulturimut tunngasut aammalu Sofa aappalaartoq.