Naggueqatitta eqqillillu arnartaat periarfeerussat eqqaaniarneqarput
Eqqillit inuillu arnartaasa taama amerlatigisut tammartarnerisa eqqumaffigineqarnerulernissaat anguniarlugu eqqaaniaalluni ingerlaaqatigiinnerit, Amnesty Internationalip ilaasortaanit aaqqissuunneqarput.
Nunap inoqqaavisa arnartaannut nakuusertarnerup eqqumaffigineqarnerulernissaa eqqaaniaalluni ingerlaaqatigiinnerup aamma siunertaraa.
- Arnat taakku ataqqiniarlugit eqqaaniarlugillu aammalu ajornartorsiut ilungersunartoq taanna canadamiunut allanut paasissutissiissutiginiarlugu, taamaalilluta siunissami arnat tammarnikut ujarneqartarneranni, toqutaanikorpassuit paasiniarneqartarneranni, ajornartorsiutit iliuuseqarfiginiarnerat, aammalu nakuusertarnerup pinngitsoortinniarnera aallartinniassagatsigu maaniippugut, nunap immikkoortuani Ontariomi Amnesty Internationalip oqaaseqartartua Danis Clara, oqarpoq.
Danis Clarellu naqissuserpaa:
- Canadap illoqarfiini kujasinnerusuni eqqillit inuillu arnartaannik ukiumut toqutsisarnerit 25-t amerlavallaaqaat.