Naggueqatigut Chukotkamiut nunatsinnut qitigiarput

Naggueqatigut Chokutkamiut Ruslandip avannaaneersut nunatsinnut tikeraarput. Taavani qitittartoqatigiit ERGYRON-imik taaguutillit sapaatip-akunnerata naanerani qilaatersorlutik inuiattullu atisatik atorlugit Katuami isiginnaartitsillutillu tusarnaartitsissapput.

Siberiami qitittartoqatigiit Ergorynikkut maanna nunatsinnut tikeraarput.

Nuummi innuttaasut sapaatip-akunnerata naanerani qitittartunik qilaatersortartunillu taakkuninnga isiginnaariarsinnaapput.

Nunatsinnummita tikeraarnertik qanoq igaat? naggueqatigiinnerput arlaatigut immikkut maluginiarsimanerpaat?

- Nuummut tikilluni soorlu angerlaannarluni. Avatangiisit nunagisatsinnut assingusorujussuupput. Maaniilluni nuanneqaaq innuttaasut naapillattaarlugit assut nuannerpoq, taama qitittartoqatigiit utoqqaanerusortaasa ilaat Kevkey Vasily oqarpoq. Chokutkap illoqarfiisa pingaarnersaani Anadyr-imi Nuuttulli angitigisumi najugaqarpoq. Tuluit arsaattartut Chelsea-kkut piginnittaat Abramoviz taavanimiuuvoq taavanilu guvenøriulluni.

Kevkey Vasily-p kalaallit nuannarisimallugit immikkut taasaqarpoq:

- Danmarkimi timmisartumut ikiinnarluta maluginiarpagut inuit arlallit kalaallisut oqaluttuunerat. Tamanna ilinniarfigisinnaavarput, tupinnaqaaq. Oqaatsitta atulernissaat sulissutigissallugu iliuusissanik amigaateqarpugut. Taannarpiarlu peqqutaalluni nunatsinni nunap inuiviisa oqaatsitik atorneq ajoramikkit puigoriartulernikuuvaat, Kevkey Vasily oqarpoq.

Kevkey Vasily nunatsinnut nuukkusussinnaanersoq aperigatsinni ima akivoq:

- Arlaannut tikeraarluni nuannertuaannarpoq, taamaakkaluartorli nammineq inunngorfigisaq alliartorfigisarlu najorlugu pitsaanerpaajuaannarpoq.

Katuami qitittartoqatigiit arfininngorpat sapaatiuppallu isiginnaarneqarsinnaapput.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat