Naggueqatigiit Inuit timaat kviksølvimik akoqarnerupput
Naggueqatigiit Inuit akornanni nerisannaarineqartut natsit, aalisakkat qaleriuallit qilalukkallu savimminissamik ulorianartumik kviksølvimik annertuumik akoqarput, tamannalu uummallunnermik kinguneqarsinnaasoq misissuinerup takutippaa.
Allattoq Jaaku Lyberth
oktobarip 09-at 2009 10:30
Nunavummi innuttaasut timaasa kviksølvimik akoqassusaat aaversinikkut misissuiffigineqarmat, Canadami innuttaasunut allanut sanilliullugit arfineq-marloriaammik annertunerusoq, ilisimatuunit paasineqarpoq. Aamma USA-mi innuttaasunut sanilliullugit timaanni kviksølvimik akoqarnera quleriaammik annerusoq, Nunatsiaq onlinemi allaaserineqarpoq.
Naggueqatigiit inuit Nuavimmiittut avatangiisertik pissutigalugu timaat kviksølvimik akoqalersarpoq, tamanna aavisa qanoq innerannut sunniuteqarpoq.
Kviksølvimik mingutsitsineq nunani issittuni annertusiartorpoq, suliffissuit aamarsuarnik nukissiuuteqartut kviksølvimik silaannarmut mingutsitsinerat ukiuni kingullerni annertusimmat.
