Naggueqatigiit Inuit qimarngunneqarsimasut iliveqarfeqalerput

Akilinermi naggueqatigiit Inuit 101-it saarngi alianaatsorsuarmi iliveqarfeqalerput. Canadami nuna eqqissisimatitaq nutaanerpaaq, naggueqatigiinnit Inunnit Nunatsiavummeersunit aamma Nunavummeersunit nakkutigineqartussaq, naggueqatigiit Inuit ilaasa qimarngunneqarsimasut saarnginut 100-t sinneqartunut utertinneqartunut iliveqarfiussaaq.
juulip 20-at 2009 07:44

Nuna eqqissisimatitaq Torngat Nunatsiavummiittoq, Canadami nunani eqqissisimatitani nutaanerpaavoq.

Nunap ilaa tamanna annertooq naggueqatigiit Inuit ukiuni tuusintilinni atugarisimammassuk aamma naggueqatigiinnit Inunnit Nunavimmeersunit Nunatsiavummeersunillu nakkutigineqartussaammat, aalajangersimasumut piukkunnartuunera naggueqatigiit Inuit aalajangiussimavaat.

Tassa nunami eqqissisimatitami Tornganiittoq qaqqaq, naggueqatigiinnit Inunneersut 101-it, ukiut ingerlanerini itsarnisarsiuunit qaqortunik amilinnit Nunavimmit aamma Nunatsiavummit qimarngunneqartarsimasut saarnginut iliveqarfiussasoq aalajangiunneqarpoq, saarngimmi tamakku nunarsuatsinni katersugaasivinni assigiinngitsuni pigineqarmata.

Saarngit tamakku angerlarartinneqareerput, Nunatsiavummilu nunami alianaatsorsuarmi ataatsimoortumik iliverneqareerlutik.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq