Naggueqatigiit Inuit puisinit nannunillu ulorianartorsiornerupput
Jesse Tungilik isiginnaartitsisartuni Art Cirq-imi isiginnaartitsisartuuvoq.
- Meeraagallarama qaqugu sikuernissaa eqqoriartarlugu pinnguaateqarpugut, ullualuinnarnillu uniorlugu eqqoriarsinnasarparput. Maanna qaqugu sikuernissaa eqqoriarsinnaajunnaarnikuuarput, Jesse Tungilik oqarpoq.
Allanngoriartornerit siumut oqaatigiuminaatsut pissutigalugit, ilaqutariit issittormiut inuuniarnerminni ilungersunartorsiorput.
- Immap sikua qangaaniilli ilisimasaqarfigigaluarparput, maannali silap pissusaata sukkasuumik allanngoriartornera pissutigalugu ilisimasavut atorsinnaajunnaarpavut, Jesse Tungilik nassuiaavoq.
- Aningaasarsiornikkut ikiorserneqarnissarput pisariaqartipparput. Inuiaqatigiinni innuttakitsuni innuttaasut ilisimasaqalernissaannut attaveqaqatigiinnermullu atugassanik aningaasanik amigaateqarpugut, tamannali Canadami naalakkersuinikkut piumassuseqarfigineqanngilaq, Jesse Tungilik aviisimut Politikenimut oqarpoq.
- Oqartoqarsinnaavoq naggueqatigiit Inuit, puisinit nannunillu ulorianartorsiornerusut, Jesse Tungilik, nannup amianik atisaqarluni Kongens Nytorvimi isiginnaartitseqataasoq naggasiivoq.