Canadami aviisimit Peterbourough Examinerimit apersorneqartilluni oqaluttuarpoq ukioq siulleq ministeriunermini H1N1 pillugu 49-riarluni oqalugiarsimallluni.
- Ernera ministerinngorsimatsiaannartunga oqaloqqaartalerlunilu pisussinnaanngorpoq, nutaarsiassaqartitsivimmit QMI-mit issuarneqarpoq.
Leona Aglukkaq isornartorsiuisartunit misilittagaqarpiannginnerarneqartarpoq, immikkut inuiaassuseqarnini arnaaninilu pissutigiinnarlugit ministerinngortitaasimaneragaasarluni.
- Neriuppunga naalliunnartorsiorpallaassanngitsoq, naalakkersuisoqataa Lisa Raitt oqarsimaneragaavoq.
Nualluummut H1N1-imut akiuussutissamik kapitinnissamut kaammattuissallunga kingusinaarsimaneragaagaluarpunga, isornartorsiuinerli maanna qaangiussimalerpoq, Aglukkaq aviisimit issuarneqarpoq.
- Assorsuaq unammillernartorsiorsimavunga, qaangerakkuli tulluusimaarnaqaaq, oqarpoq.