Assi: Ansgar Walk, via Wikimedia Commons

Naggueqatigiit inuit mersoriaasitoqaat Canadami saqqummersinneqartut

Akilinermi Iqaluktuutsiami, naggueqatigiit inuit kavaajarsuarnik parkanik qangalu itsaq mersoriaatsit pillugit saqqummersitsisoqarpoq, saqqummersitsisuupput Eqaluttuutsiami arnat utoqqaat aanaat.

Naggueqatigiit inuit ukiuni hunnorujulikkuutaani kingullerni atisanik mersortariaasiat nunaqarfimmi Eqaluttuutsiami arnat utoqqaat kinguaariinnut oqaluttuariniarpaat.

Taamaattumillu saqqummersitsipput taaguuteqartumik Patternes Of Change, allalersuinermi allannguutit, kavaajarsuillu ukiorsiutit parkat 1500-ikkunni mersorneqarsimasut aamma saqqummersinneqarput.

Arnat utoqqaat saqqummersitsisut taakkua inuunertik naallugu tuttut amiinik uumasunillu nunagisaminni pisarineqartut amiinik mersortarput, qangalu mersoriaaseq malillugu mersortarput taamaattumillu amernik mersortariaatsimik ilisimasaqarluarlutik.

AAMMA ATUARUK Kalaallisuunik nutarterisarneq pillugu oqallinneq

Saqqummersitani takuneqarsinnaapput, kaavarsuit ukiorsiutit parkat ukiut ingerlaneranni allanngoriartornerat, aamma immikkuullarissuunerat, nunaqarfimmi suminngaaneersuunerat takuneqarsinnaalluni.

Saqqummersitsineq Eqaluttuutsiami Heritage Centerimi januaarip qeqqata missaani ammarneqassaaq.

Centeri taanna nunaqarfimmi Eqaluttuutsiami innuttaasut 1600-t missaannittut najugaqarisami kulturikkut kingornussat ilisimaneqarlualernissaannik suliniuteqarfiuvoq, taamaattumillu suliniutinik arlaqartunik suliaqarfiusarpoq, soorlu arnat utoqqaat mersortariaasiannik saqqummersitsineq aaqqissuussaralugu.

AAMMA ATUARUK Kalaallisuunik nutarterisarneq soqutiginarnerulersitsisuuvoq

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat