Assi: KNR/Jonas Løvschall-Wedel

Naggueqatigiit inuit filmiortarnerat ineriartorlunilu ilisimaneqaleraluttuinnartoq

Nunavummi filmmiliornermik ingerlatallit amerliartuinnarput, filmiliallu nunani tamalaani ilisimaneqaleraluttuinnarput, naggueqatigiillu inuit inooriaasiat aamma ilisimaneqaleralutttuinnarluni:

Filmilianik ilitsersuisartup Zacharias Kunuup filmiliaa "Atanarjuat - The fast Runner", 2001-imi takuteqqaarneqarmalli, Nunavummi filmiliorneq annertusiartuinnarsimavoq.

Filmiliaq taanna Cannes Film Festivalimi nersornaasiuttakkamik akimasuumik Camera d'Orimik nersornaaserneqarpoq, filmilianut nersornaasiinermi nunarsuarmi akimanerpaatut ilaatigut taaanna taaneqartarluni.

Zacharias Kunuk assigiinngitsutigut nersorniarneqareerpoq. Filmiliani pillugit, Nunavummi filmiliortarnerup ineriartortinneqarneranut peqataasimanini pillugu Nunavummi nersornaasiuttakkat akimanersaannik the Order of Nunavummik kingullermik nersornaaserneqarpoq.

Kunuup TV-kkut isiginnaagassiai filmiliaalu naggueqatigit Inuit kulturiannik inuunerannillu takutitsipput, filmiliaanilu Inuktitut oqaatsit atorneqaakkajullutik.

Naggueqatigiit Inunni filmilianik ilitsersersuisunut allanut aamma aqqutissiuisuuvoq.

Arnat marluk Nunavummeersut, Alethea Arnaquq-Barill Stacey Aglok MacDonaldillu filmiliornerminni suliffeqarfiat Red Marrow Mediap Iqalunni pilersinneqarnissaanut aqqutissiusooqataavoq.

Nunavummi filmilianik ineriartortitseqatigiiffik, Nunavut Film Development Corporation, assersuutigalugu filmilianut taakkununnga taperseeqataavoq, naggueqatigiit Inuit kulturiat pillugu avammut nittarsaassineq pingaarnertut aalluneqarluni.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat