Naggueqatigiit inuit eqqumiitsuliaat puigukkat saqqummersinneqartut

Naggueqatigiit Inuit eqqumiitsuliaat, qangali saqqummersinneqarsimasut, Textile Museum of Canadami, Torontomiittumi, saqqummiunneqaqqipput. Saqqummersitallu alutorineqaqaat.

Eqqumiitsuliat pineqartut ukiuni 60-ingajanni toqqortaatigineqarsimapput.
Eqqumiitsulianik nuannarisalik James Houston, Qeqertaalummi Kinngaanni naggueqatigiit Inunnut eqqumiitsuliornermik 1950-ikkut naalerneranni workshopeqartitsivoq.

Naggueqatigiit Inuit ukkusissanik eqqumiitsuliorput, ujaqqamillu kigartukkanik, tassa litografiinik, nunanit tamalaanit ilisimaneqarluartunik, assilialiortarlutik.

Naggueqatigiilli Inuit annoraaminermut naqitat pillugit workshopertinneqarsimanerat annerusumik ilisimaneqanngilaq.

Naggueqatigiit Inuit annoraaminermit suliaat kusanarluinnarput, naallu naggueqatigiit Inuit akornanni eqqumiitsuliortut tusaamasaanerpaat ilaannit suliarineqaraluartut, tunisassianngorlugit suliarineqaraluartut tunisaavallaanngillat. Suliat tamakku kingorna taava puigorneqarlutillu toqqortaatigineqalerput.

Oqaaseqartartoq: Tulluusimaaqaagut

Eqqumiitsulialli maanna takuniarneqaqqissinnaalerput, ilaatigut inuit namminneq pigisimasaat, allallu Baffin Coopimit pigineqarsimasut, Printed Textiles from Kinngait Studiosimik taallugu saqqummersinneqarlutik.

Saqqummersitsinerlu Canadami tamanit alutorineqaqisoq, saqqummersitsinermik aaqqissueqataasup Caitlyn Donnellyp KNR-imut ilisimatitsissutigaa.

Kinngaanni eqqumiitsuliat pillugit oqaaseqartoq Nooks Lindell aamma tulluusimaarpoq: 
- Annoraaminermit suliat naggueqatigiit Inuit tulluusimaarutigeqaagut, annaangajappagumi. Tamanna pissutigalugu tulluusimaarutigeqaarput saqqummersissinnaagatsigit, takutillugillu suli nassaassaasut, Lindell oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat