Naggueqatigiit Inuit eqqumiitsuliaat Canadami immikkut sammineqartut

Katersugaasivik nunarsuarmi inuit eqqumiitsuliaannik nutaalianik amerlanerpaanik pigisaqarpoq,  Inuit qalipagaat, titartagaat qiperugaallu 1950-ip kingorna sananeqarsimasut katillugit 13.000-it katersaatigai.

Katersat maannamut katersugaasiviup toqqorsivianiinnerusimagaluarput, maannali allilerisoqareerpat avatangiisini pitsaasuni eqqumiitsuliat tamanit takuniarneqarsinnaalissapput.

Winnipeg Manitobami illoqarfiit pingaarnersaraat, Canadamilu nunap inoqqaavi amerlanerpaat tassani najugaqarput. Indianerit, metisit Inuillu 75.000-it sinneqartut tassani najugaqanermikkut pingaarutilimmik illoqarfimmi malunniuteqarput.

Taamaattumik Winnipeg Art Galleryp katersugaasiviup ilassutissaa erseqqissuutikkusuppaa, ilaatigut igalaarsualersorlugu - eqqumiitsuliat illoqarfiup innuttaanut nuannaarutissanngorlugit naggueqatigiillu Inuit pillugit oqaluttuullugit. Aammataaq Inuit isiginnaartitsisartui atorlugit akuttunngitsumii takutitsisoqartassaaq.

Sanaartorneq upernaamut aallartissaaq, naatsorsuutigineqarporlu aappaagu ammaanersiorneqarumaartoq.