Naggueqatigiit inuit Canadami amerliartorput

Inuit Canadami najugallit 50.000-ingajanngornerisigut, issittumi naggueqatigiit inuit najugallit maanna 170.000-ingajanngortut. ICC-p kisitsisaataasa tamanna takutippaat.
Allattoq Najaaraq Egede
maajip 09-at 2011 08:20

Akilinermi naggueqatigiit inuit amerliartorput. Canadami innuttaasut naatsorsorneqarneranni kingullermi naggueqatigiit maanna inuusut, Canadami nunap immikkoortuini sisamani najugallit 50.000-ingajanngorsimasut.

Taakku affaasa missaat - 25.000-it - Nunavummi najugaqarput, sinneri 9.500-t Nunavimmi, Paggivittami 2.000-t aamma Canadap issittortaani kitaamiut Inuvialuit 3.000-iusut. Siulliit pingasut taaneqartut inuit 80 procenteraat. Inuit Issittormiut Siunnersuisoqatigiiffiat ICC kisitsisinik saqqummiisuuvoq.

Akilinermi inuit qassiunerannik saqqummiussaqarnikkut taamaalilluni nunarsuatsinni naggueqatigiit inuit 170.000-inngulersut oqaatigineqarsinnaanngorpoq, taakkunannga 50.000-ngajaat Canadami najugaqarlutik.

Naggueqatigiit Inuit sinneri maani nunatsinni Kalaallit Nunaanni najugaqarput Alaskamilu najugaqarlutik. Ruslandip Avannaata Kangiani Tjukotkami inuit taamaallaat 1.200-usut, ICC-mit ilisimatitsissutigineqarpoq.

ICC-p nittartagaani suli takuneqarsinnaavoq naggueqatigiit Inuit 160.000-t missaanniittut.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq