Naggueqatigiit Inuit Ataavartumik ataatsimiititaliamut siuttunngortut

Tassalu alaskamiu Dalee Sambo Dorough, naggueqatigiit inuit siullersaattut siulittaasussatut toaqqarneqartoq. Inuppiaajuvoq inuttullu pisinnaatitaaffiit pillugit immikkut ilisimalittut eqqartuussissuserisuulluni. Issittormiut sinniisussaattut Samet siunnersuisooqatigiivinit ICC-miillu 2010-mi toqqarneqarnermi kingorna Naalagaaffiit Peqatigiinni Nunat Inoqqaavisa Ataavartumik ataatsimiititaliaanni ilaasortaasimavoq.

Taanna pisinnaatitaaffiit pillugit siunnersortitut ICC-mi sulivoq aammalu Alaskami Anchoragep ilisimatusarfiani naalagaffimmut tunngasunut ilisimatusarfimmi professoriulluni.

Nunat Inoqqaavisa Ataavartumik ataatsimiititaliaata siulersuisui 16-inik ilaasortaqarput, taakkunannga arfineq-pingasut nunat naalagaaffiinit toqqagaallutik sinnerilu arfineq-pingasut nunat inoqqaavisa nunarsuarmi tamaneersut toqqarneqarsimallutik.

Nunat Inoqqaavisa Ataavartumik ataatsimiititaliaat Nalaagaaffiit Peqatigiivinut siunnersortaavoq, nunallu nunasiaataasimasut sulilu naalagaaffinngorsimanngitsut pillugit suliaqartuulluni.

Dalee Sambo Dorough Naalagaaffiit Peqatigiivini issittormiut sinniisoraat, ilaatigullu Issittoq issittormiullu pillugit nalunaarusianik saqqummersitsisarsimalluni.

Aqqaluk Lynge Nunat Inoqqaavisa Ataavartumik ataatsimiititaliaanni piffissami 2006-imit 2007-imut siulittaasup tullerisimavaa.