Naggueqatigiit inuit arnartaat gassimut aqqutiliortoqarnissaanut akerliusunut ilannguttut

Canadami naggueqatigiit inuit arnartaat qassimut aqqutiliortoqarnissaanut akerliusunut tapersiinerminni atequtit aappaluttut nivinngaassorpaat. Atequtit aappaluttut nunap inoqqaavisa arnartaasa persuttarneqartarnerannut ersersitsisuupput.

Canadami naggueqatigiit inuit arnartaat arnallu allat gassimut aqqutiliortoqarnissaanut akerliusunut ilanngupput.

Canadami nunat inoqqaavisa kinguaavisa najugaqarfiat aqqusaarlugu gassimut aqqutiliortoqarnissaa akerlerarlugu Canadami tamarmi qimuttuitsut biilillu aqqutaat assersorneqarput.

Naggueqatigiit inuit arnartaat Canadap kujasinnerusortaani akerliussutsimik takutitsisunut maanna ilanngupput. Taamaaliornerminni atequtit aappaluttut akerliussutsimik takutitsisut assersugaanni nivinngaassorpaat. Taakkununnga ilaasoq, Emily Hoppe, KNR-imut tamanna pillugu ima oqaluttuarpoq:

- Atequtit aappaluttut nunap inoqqaavisa arnartaasa persuttarneqartarnerannut ersersitsisuupput.

- Canadami soorlu gassip aqqutiliortoqarnissaanut assingusumik sanaartortoqartillugu sanaartornermi sulisut arnanut persuttaagajuttarnerat akerleralugu akerliussutsimik takutitseqataapput.

Akerliusut sanaartornermi sulisut ernummatigigaat

Gassip aqqutiliortoqarnissaanut atatillugu sulisartorpassuarnik angutinik Canadap ilaanit tikerartoqarnissaa ernummaatigaat.Taakkua amerlanerpaartaat angutit sulisartut inaanni illusisimaffeqartinneqassapput.

Sanaartornermi sulisut susassaaleqisarput, taamaattumillu arneriniartarlutik.

Nunap inoqqaavisa arnartaat Candami sanaartorfiusuni assigiinngitsuni sulisartunit persuttarneqartarsimasut ilaalumi allaat toqutaasimasut ilisimaneqareerpoq. Canadami arnat periarfeerussat toqutaasimasullu pillugit misissuinermi angisuumi erserpoq, arnat anguterpassuit Canadap ilaanit suliartortut katerittarfiisa eqqaanni periarfeerunneqarlutillu persuttarneqartartut. Taamaattumik nunap inoqqaavisa arnartaat qassimut aqqutiliortoqarnissaanut akerliupput.

Atequtillu aappaluttut akerliusut assersugarpassuini nivinngaassukkat arnanut persuttaasarnerup unitsinneqarnissaata pingaaruteqarneranut ersersitsisuupput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat