Naggueqaterput timmisartortartoq ataqqiniarneqassaaq

Canadap kangiani naggueqatitsitsinni siullersaalluni timmisartortunngortoq, Montrealimi nalliuttorsiornermi sapaatip akunnerani uani ataqqiniarneqassaaq.
novembarip 24-at 2010 05:14

Johnny May, Nunavimmi Kuujjuaarminngaannersoq, naggueqatitsinni siullersaalluni Canadap kangiani timmisartortartutut naammassisimavoq.

Maanna 65-inik ukioqarpoq ukiunilu 50-ingajanni timmisartortartuusimalluni. Johnny May-ip soqutigisani marluk nalunnginneqaatigai - timmisartorneq piniarnerlu.

- Timmisartorneq piniarnerlu assigiissuteqarput, taakkuninnga aallussinnaanermut, siku nunalu nalunngilluartariaqarput, Johnny May oqarpoq.

Sorsunnersuarmi kingullermi timmisartortartut arlallit, arnarlu avataarsualiartartoq, Julie Paquette, Montreal-imi nalliuttorsiornermi aamma ataqqiniarneqarput.

Johnny May qeriuaannartumi sikumilu inunnik tammartunik annaassiniartartutut ilisimaneqarluarpoq, nalunnginneqaatiginerpaavaali juullilernerani Nunavimmi nunaqarfinni meeqqanut mamakujunnik poortugaaqqanillu timmisartuminiit nakkaatitsisarnini.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq