Nagguaatsut ukiut 20-t qaangiuppata nungussapput
Nagguaatsut tuugaavinik tuniniaaneq 1989-imiilli inerteqqutaalerpoq, taamaakkaluartorli Afrikami nagguaatsut ingasalluinnartumik piniarneqartuarput, tuugaavisa piumaneqartuarnerat pissutaalluni.
Nagguaatsut piujuaannarnissat tamanit 1980-ikkunni soqutigineqartorujussuuvoq, nungutaariaannaaneralli ullutsinni soqutigineqanngivissutut isikkoqarpoq.
-Afrikami uumasunik piniaqqusaanngitsunik piniartoqartuarmat nagguaatsut 8 procentimik ukiut tamaasa maanna ikileriartarput. Nagguaatsut tuugaavinik nioqquteqarneq ukiut 20-t matuma siorna nunarsuarmi tamarmi inerteqqutaalermat kisitsit 7,4 procentiuvoq. Afrikami nagguaatsut nujuartat 1980-ikkut naalerneranni 1 millioninit amerlanerugaluarput, kisitsilli taanna 470.000-inut maanna appariarsimavoq, Samuel Wasser naliliivoq.