Naggataarnersiorlutik qitittut qiimallutillu tamaviaarussisut
Nuummi DIDA-p qitinnermik ilinniarfia 2011-mi decembarip qaammataani matummat angajoqqaat peqatigiillutik suliniuteqarsimapput. Meeqqat qitissinnaanissaminnut periarfissaqartiinnarnissaat isumaqatigiissutigisimavaat. Anaanat sisamat sungiusaasoorusupput, sapaatillu akunneranut ataasiarlutik meeqqat 15-it missaat Fit & Fun-imi sungiusaartarsimallugit, maannalu ukiormanna naggataarnersiorput.
Naggataarnersiorneq sapaatiummat ualikkut ingerlanneqarnera Hotel Hans Egedemi naggataarnersiorluni qitinnermik malunnartinniarneqarpoq, meeqqallu qiimasut tamaviaarussisullu 8-10-riarlutik qitinnermik takutitsipput. Isiginnaariat tassaanerupput angajoqqaat ilaqutaasullu.
Ukiup tulliata ingerlanissaa pilersaarusiorneqalereerpoq, tamatumuunalu eqimattat marlunngortinneqassapput, aallarterlaat misilittagaqartullu periarfissinneqassallutik. Saaffiginiarneqartut tassaapput 4-7-inik ukiullit, qitinnermillu sungiusarusuttut imaaginnavissimapput.
Utaqqisunut allatsikkusuttut imaluunniit angajoqqaat suleqataarusuttut uunga allassinnaapput danceforkidsnuuk@gmail.com