"Nagdlúnguaq" illup iluani arsaannermi pissartanngorpoq

Pissartanngorniutivinnermi Nagdlúnguaq K-33-mut 1-0-imik ajugaavoq. Naggataarutigalugu timersornermi angusanik tusarliussilaarsinnaavugut. Matumani pineqarpoq illup iluani arsaalluni nunatsinni pissartanngorniunneq.
Allattoq Elisa Isaksen
marsip 01-at 2009 17:10

Unnugu Ilulissani nuannattoqassagunarpoq.Tassami ajugaaniutivinnermi Nallunnguup K-33 Qaqortumeersoq 1-0-imik ajugaaffigigamiuk.

Normu 3-nngortut tassaallutik B-67 Nuummeersut, Qasigiannguaneersunut Kussammut 2-0-mik ajugaasut.

Unammisaqattaarnerit holdinit 16-init ulluni pingasuni isiginnaartoqarluartarluni ingerlanneqarput. Sapaatip akunnerata naanerani tulliuttumi tullinnguullutik arnat illup iluani arsaannermik Nuummi pissartanngorniutissapput.