Nagdlúnguak nerrivimmi arsaarartartoqalerpoq
Nagdlúnguup nerrivimmi arsaararnermut immikkoortoqarfia nerrivimmi arsaarartartut kattuffianni GBTF-mi ilaasortatut akuerineqarpoq. Taamaammat ilimanarpoq porskimi Nuummi GM-rtoqarlerpat qorsorpaluttunik kiatilinnik peqataasoqarnissaa.
Nagdlúnguup nerrivimmi arsaarartartoqalernissaa novemberimi ileqquusumik ataatsimeersuarnermi aalajangiunneqarpoq.
- Taamatut aalajangerpugut saaffigineqartarnerput tunngavigalugu. Ajoraluartumik illoqarfitsinni nerrivimmi arsaararnermut klubbi ingerlajunnaarsimavoq, Nagdlúnguup siulittaasua Lena Ravn Davidsen KNR-mut oqarpoq.
Siornatigut nuna tamakkerlugu sungiusaasoq Karl Peter Olsvig Nagdlúnguup nerrivimmi arsaarartartuini sungiusaasunngorpoq meeqqat inuusuttuaqqallu salliutillugit ingerlatissamaarlugit.