Nagdlunguaq GSS-ilu finalimut anngupput

Assammik arsarlutik nunatsinni pissartanngorniunnermi Nagdlunguaq GSS-ilu finalimut anngupput.

Angutini Nagdlunguaq SAK-mut ajugaagamik finalimut anngupput. Unamminermi SAK-mi inuusuttortaasut takutitsilluaraluarput, unamminerullu annersaani naligiikkaluarlutik. Nagdlunguulli arsartatui misilittagaqarluartut unamminermi 26 – 22-mik ajugaapput.

Ilimagineqarpoq NUK Nuummeersut Nagdlunguarlu finalimi unamminissaat. NUK-p GSS-i unammisussaavaat, GSS-ilu unammersuarnermi suli ajugaasimanani. NUK ajorsassaguni SAK K-33-ilu Qaqortumeersut finalimut anngunnissaat ilimanaateqalersinnaavoq.

Arnani GSS finalimut anngutereerpoq.

Maniitsumeersut Aqissiaq NUK-lu aamma finalimut anngussinnaapput. GSS-illi finalimi kikkut naapissanerlugit namminneq aalajangersinnaavaat. Aqissiaq ajorsarfigissagunikku Aqissiaq finalimut anngutissaaq. GSS-ilu ajugaassaguni, NUK-lu S-68-lu Sisimiuneersut ajugaaffigissagunikkit GSS NUK-lu finalimi naapissapput.

Aqagu finalit ingerlanneqassapput.