Nagdlúnguak G-44-lu semifinalemi unammissapput
Angutit arsaallutik pissartanngorniunneranni ullut unammiffiusussat marluinnanngorput. Maanna paasinarsivoq B-67 Nuummeersoq aamma FC Malamuk Uummannameersoq semifinalemi siullermi unammissasut tallimanngornermi nalunaaqutaq 16.00, semifinalellu aappaani Nagdlúnguak Ilulissaneersoq aamma G-44 Qeqertarsuarmeersoq nalunaaqutaq 18.00 unammissapput.
FC Malamuk semifinalemut annguppoq sisamanngornermi unnukkut Eqaluk 54-mut 2-1-mik ajugaangami.
Semifinalet tamarmik KNR-TV-mi radiomilu toqqaannartumik aallakaatinneqassapput arsaallunilu GM arfininngornermi naggaserlugu bronzennaniuttoqarlunilu finalertoqassaaq.
Sisamanngornermi angusat:
UB-83 – SAK 2-6
B-67 – Nagtoralik 8-0
Eqaluk 54 – FC Malamuk 1-2
Kugsuk 45 – ATA 2-1
Tallimanngornermi unamminissat:
Nal. 16.00 B-67 – FC Malamuk (KNR-mi toqqaannartoq)
Nal. 18.00 G-44 – Nagdlúnguak (KNR-mi toqqaannartoq)