Naatsunik qarleqaqqusinngillat
maajip 26-at 2006 10:31
Naatsunik qarleqartarsimanertik pissutigalugu, Irak-imi tennissernermik sungiusaasoq, tennissertartullu marluk ippassaq aallaaneqarlutik toqunneqarput.
Takunnittuusimasoq oqaluttuarpoq pillaanertut isikkulimmik timersortartut niaquisigut aallaaneqarlutik toqunneqarsimasut, taassumalu kingorna biilii toqutsisunit aallarunneqarsimallutik.
Takunnittut aamma oqaluttuarput, musliimit ingasaassiniat ulluni kingullerni inunnik qarleeraqaqqusinatik, siorasaarutinik pappialanik aqqusinermi naapitanut agguaasoqartarsimasoq.
Tennissertartut toqutaasut tassaapput sungiusaasoq Hussein Ahmed Rashid, aammalu tennisimik unammisartut Ali Hatem aamma Wissam Adel Auda, taama nutaarsiassaqartitsivik AFP allaaserisaqarpoq.