Qaasuitsup Kommunia: Naatsorsuutit piareeriartulersut

Qaasuitsup Kommunerisimasaata naatsorsuutai inaarutaasut suli suliarineqarput.

Kommune Qeqertaliup Qaasuitsup Kommunerisimasaata 2017-imut naatsorsuutai inaarutaasut septembarip 18-ani pissarsiarissallugit naatsorsuutigaa, kommunalbestyrelsillu aamma septembarip 28-ani ataatsimiinnissamini akueriumaarai naatsorsuutigineqarluni.

KNR-imit ukioq manna maajimi oqaluttuarisatsitut Qaasuitsup Kommunerisimasaata naatsorsuutai 2017-imoortut suli piareerneqanngillat.

Ukioq manna maajimi aamma saqqummiunneqarpoq kommunit nutaat marluk, Kommune Qeqertalik aamma Avannaata Kommunia, aningaasanik kingornussassaqaratik akiitsunik kingornusseratarsinnaasut. Kommuunit taakku marluk Qaasuitsup Kommunerisimasaata karsianit aningaasat tigoriaannaat 111 millioner koruunit avillugit kingornutassarisimagaluaraat. Aningaasat karsimi uninngasuutigineqartut Qaasuitsup Kommunerisimasaata borgmesteriata, Siumumeersup Ole Dorphip, kommuuni 2017-ip naaneranit atorunnaarmat tulluusimaarluni karsimi uninngasuutigineqartutut nalunaarutigisai.

Kisianni Qaasuitsup Kommuniata karsimi uninngasuutigisimasai, Kommune Qeqertalimmi borgmesterip, Inuit Ataqatigiinnersup Ane Hansenip, maajimi oqarnera naapertorlugu, Qaasuitsup Kommunerisimasaata naatsorsuutaanik suliareqqiinermi akiligassanut, ilaatigut kingumut ukiuni arlalinni akilerneqarsimanngitsunut, atorneqarsimapput.

AAMMA ATUARUK: Kommunit nutaat millionerpassuassaat tammartut

AAMMA ATUARUK: Jerimiassen: Amigartooruteqartoqarnera pillugu ernumasoqartariaqanngilaq

Naatsorsuutit inernerigallagaat piariilersut

Kommuunilli pilersinneqartup aappaani, Avannaata Kommuniani borgmesterip, Siumumeersup Palle Jeremiassenip, kommunimini inuttaasut kommunip ingerlanneqarneranut ernumassutissaqanngitsut isumaqarpoq.

Tusagassiuutinummi nalunaarummini ima allappoq:

- Siullermik erseqqissaatigerusuppara, Qaasuitsup Kommunerisimasaata 2017-imut naatsorsuutai suli naammassinngimmata, aatsaallu tamanna juunimi pisussatut naatsorsuutigineqarluni. Nalunngisarpulli unaavoq, kommuniusimasup amigartoorutissai naatsorsuutigisamit annertunerujussuupput, Palle Jeremiassen maajimi taama allappoq.

Qaasuitsup Kommunerisimasaatalu naatsorsuutai septembarip qaammataani naammassineqarumaartut kiisami ilimanarsivoq.

- Kukkunersiuisup aggustip qulingata missaani naatsorsuutit inernerigallagaat piariissavai. Aningaasaqarnermullu ataatsimiisitaliami septembarip 18-ata kingorna ataatsimiittoqareerpat aatsaat naatsorsuutit akuerisat eqqartorsinnaagigut naatsorsuutigaarput, Kommune Qeqertalimmit taama ilisimatitsipput.
 
Avannaata Kommunianit Qaasuitsup Kommunerisimasaata naatsorsuutai suli oqaaseqarfigineqarusunngikkallarput, naatsorsuutit suli naammassineqanngimmata.

AAMMA ATUARUK: Qaasuitsup Kommunia oqaluttuaannanngoruni 111 millioner kroninik qimataqassaaq

AAMMA ATUARUK: Avannaata Kommunia missigersuutitigut amigartooruteqassaaq

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat