Naatsorsueqqissaartarfik nalunaarsuiffimmik saqqummersitsissaaq
Kisianni oqartoqarpat suliffeqarfiit nutaat 40-t siorna aallartissimasut taama oqarneq qanorluunniit paasineqarsinnaavoq nassuiaatissaqartariaqarmat.
Taamaattumik nunatsinni Naatsorsueqqissaartarfiup qanittukkut saqqummersissavaa taaguutit, suliffeqarfiit inuussutissarsiuteqartullu namminersortunit pisortanilluuniit pigineqartut pillugit nassuiaatit.
Nunap ilaani sumiinnera killeqartumi aaqqissuusaanermigulluunniit killeqartumi ingerlatsivik aamma nalunaarneqassaaq. Aamma assersuutigalugu suliffeqarfiit arlalinni sumiiffeqarsinnaapput imaluunniit alla najugaqarfimmi ataatsimi pingaarnertut arlalinnik ingerlataqarsinnaalluni.
-Inuk ataaseq suliffeqarfiuteqarsinnaavoq. Ilai piffissami sivikitsumi ingerlataasinnaapput aamma kommunit Namminersornerullutillu Oqartussat suliffeqarfiuteqarput, tassa kisitsisit qanoq paasineqassanersut Naatsorsueqqissaartarfiup maanna suliarai, taama nassuiaavoq Inuussutissarsiornermi Pisortaqarfimmi atorfilik Christian Frei.
