Naatsiiat tunisassiarineqarsinnaapput
Naatsiiat nunatsinni naatinneqartartut danskit neriniartarfiinut tuniniarneqarsinnaaneri piviusunngoriaannaavoq.
Danmarkimi naatitanik pisortaqarfik nunatsinni Naalakkersuisunik apriilip qaammataani Danmarkimut aggersaasoq, uumasut nakorsaat Lasse Holm nalunaarpoq.
Nunatsinni naatsiianik naatitsisartut, qanoq ilillutik aningaasanik iluanaarsinnaaneri, ataatsimiinnissami eqqartorneqartussanut ilaavoq.
Kalaallit Nunaanni pisortat naatitsinermut pisortaqarfimmit ikiorneqarniarput, ilaatigut naatitanik tunisassiornermi, napparsimalissutaasinnaasunik nakkutiginnissinnaasunik nakkutilliisoqarfimmik pilersitsiniarnermi.
Kalaallit naatsiiaataat danmarkimut nassiunneqartarsimasut ikittuinnagaluartut, neriniartarfinnit pitsaasutut nalilerneqartarput.
Ilaatigut kalaallit naatsiiaataannik piumalluartartunut ilaavoq, igasoq tusaamasaq Claus Meyer, taaasumalu neriniartarfiutaa Københavnimi Nordatlantiske Brygge-miittoq, Noma naatsiianik piumalluartarpoq.
