Naatsiiat siulliit kunngikkunnut nassiunneqarput
Danmarkimi naatsiiat ukioq-manna siulliit Fyniminngaanneerput. Taakku pisarneq malillugu uuttorneqareermata kunngikkormiunut tuaviortumik nassiunneqarput.
Naatsiianik silami naatitanik Danmarkimi pissartanngorniuttoqarnerani naggorissaatit immikkorluinnaq ittut atorneqarput, tassa hiistit anaat, karrit, orpiit pilutaat, salpeter imerlu.
Orpikkat naatsiiassartallit arfineq-marluk, Fynip ilaani, naatinneqarmata naatsiiat to kiilumit oqimaannerit pissarsiarineqarput.
Naatsiiassat nunamut assaanneqartinnatik januaarimili illup iluani nakkutigineqarput, puttussuutilermatalu nunamut assaanneqarput, plastikkinik assersorlugit paaqqutarineqarlutik, issimit ajoqusinnginniassammata.
Naatsiiat nutaat mamarunarluinnartut kunngissaq Frederikkunnut, tuaviortumik nassiunneqarput. Dronning Margrethe naatsiianik silami naatitanik pissarseqqaartuusaraluarpoq, naatsiaalli kunngissakkunnut ingerlatinneqarnissaat Dronningip kissaatigisimavaa.
