Naatsiiat nunatsinneersut unammillersinnaanngillat

Qaqortumi Pilersuisoq A/S naatsiianik nunatsinneersunik 60 tonsinik maannamut quersuarminiittuuteqarpoq. Naatsiiat nunatsinni naatsitat Pilersuisup Brugsenillu pisiniarfii aqqutigalugit atuisunut annguttarput, taamaattorli naatsiianut nunani allaneersunut unammillersinnaanngillat. Naatsiiat nunatsinneersut naatsinneqartarnerat suliaavoq annertooq, naatitsisut assatik atorlugit sulineq annertooq ingerlattarpaat, tamannalu akisoorujussuuvoq, taama kujataani Pilersuisoq A/S-imi pisortaq Lars Cortsen oqarpoq Pilersuisoq A/S-ip soqutigisarivaa kaaviiaartitsisinnaasumik ingerlatsinissaq, naatsiianik naatitsineq savaateqarfinni suliffissaqartitsilersimavoq, naatsiiallu pitsaasup pilersinneqarnerani Pilersuisoq A/S suleqataajumavoq. -Siunissaq eqqarsaatigalugu takorloorneqarsinnaavoq naatsiianik naatitsinermi maskiinat atorneqarnerujartornissaat, tamannami akinik apparsaasinnaasoq naluneqanngilaq, kujataani Pilersuisoq A/S-imi pisortaq Lars Cortsen oqarpoq