Naatsiiat nunatsinneersut pisiniarfinni pisiarineqarsinnaangajalerput
Ukiariartulerpoq, naatitanillu katersineq tulliuppoq , aamma nunatsinni.
Nunarput nunalerivissuartut takorloorneqarneq ajorpoq, taamaakkaluartoq nunatsinni nuna naatitsivigissallugu pitsaasuuvoq.
Naatsiiat nutaat ulluni makkunani pisiniarfinnut anngussuutingajalerput.
Qaqortumi Pilersuisumi immikkoortortaqarfinnut pisortaq, Lars Cortzen, oqarpoq, naatsiat nutaarsuit pisiniarfinni ungasinngitsukkut
pisiarineqarsinnaanngussasut.
Naatsiiat ukiormanna assartorneqartussat 80 tonsit sinnilaarlugit amerlatigissapput, naatsiallu tuniniarneqartut pitsassuartut nalilerneqarput.
- Pisiniarfinnut sineriak tamakkerlugu nassiussuunneqannginneranni misilerarneqartarput, paasisavullu malillugit ukioq-manna naatinneqartut pitsassuupput mamaqalutillu, tamannalu tulluusimaarutigaarput, Lars Cortzen oqarpoq.
Naatsiiat qanoq akeqartineqassanersut januaarimi februaarimiluunniit ataatsimiissutigineqartarpoq.
