Naatsiiat Kalaallit Nunaanneersut nerisassiullammaap Claus Meyerip sassaalliutigisalerusuppai

Naatitat, neqit, aalisakkat timmissat allallumi Kalaallit Nunaanneersut nunani allani atorluarneqarsinnaasut Københavnimi neriniartarfimmi nuimasumi igasoq isumaqarpoq.

Mamartulianik neriniartarfiit nuiamasut ilaanni Københavnimiittumi, Nomami, nerisassiullammak, Claus Meyer nerisassiassanik nunanit avannarlerneersunik pingaartitsilluni atuinermigut allanit nuannaartorineqalersunik pilersitsisuuvoq.

”Naatsiiat Kalaallit Nunaanninngaaneersut”, taama oqartoqaraangat nuannersumik takorluuineq takkuttarpoq, qallunaarpassuillumi taama misigisarunarput, Claus Meyer oqarpoq.

Naatsiianik Kalaallit Nunaanni naatitsisoqartartoq paasigamiulli qanoq mamassuseqarnersut nerisassiullammaap Claus Meyerip eqqarsaatigisarsimavaa. Unnersiorpoq ruuat Savalimmiuninngaaneersut ooqattaareersimallugit, aatsaallugooq taama mamartigisunik usserpoq, immikkorluinnaq naatinniarsimanissaat eqqarsaatigigaanni, aamma piffissaq sivisooq atorlugu naatinneqarsimassapput, taamaalillutillu mamassusaat immikkooruteqarluni.

Naatsiiaq Kalaallit Nunaaninngaaneersoq – silaannarmi nunamilu allarujussuarmi naasimasoq Danmarkimi nerissallugu allatorujussuaq misigisimanassaaq, Claus Meyer oqarpoq.

Naatsiiat Nunatsinninngaaneersut Danmarkimut tikisinneqarsinnaalissagaluarpata kiilumut qanoq akilerusussinaassanerai nerisassiullammassuaq aperigatsigu, akivoq, naatsiiat akii eqqartorneqartariaqanngitsut, mamassusaa oqaluttuassartaalu kisimik apeqqutaapput, Claus Meyer oqarpoq.

Claus Meyerip neriniartarfiutaani Savat umimmaallu neqaat, paarnat aammalu imeq nunatsinneersoq Claus Meyerip neriniartarfiutaani neqeroorutigineqartarput. Neriuutigilluinnarpaalu naatsiianik aamma sassaalliisalersinnaajumaarnissani.

Naatsiiat nunatsinneersut avammut tuniniarneqarsinnaanngornissaat Claus Meyerip neriuutigaa. Oqarporlu: Naatsiianiit navianarnerusoqarunarpoq.