Naatsiiat Kalaallit Nunaanneersut danskinit nalilersorneqarput
Allattoq Carla Davidsen
Naatitanut Danmarkimi Pisortaqarfik naatsiaanik Kalaallit Nunaanneersunik maanna misissuilerpoq, taakku Danmarkimut eqqunneqartuartalernissaat siunertaralugu. Taama allappoq Sermitsiaq ullumi saqqummersoq.
Avammut nioqquteqartartussaq tassaassaaq KNI-Pilersuisoq.
Naatsiiat Kalaallit Nunaanneersut ikittuaraannannguit Danmarkimut manna tikillugu nassiunneqarput, nerisassiullammannilli nerrerituunillu nalilerneqarluaqaat. Nomimik atilimmik Københavnimi neriniartarfiutilik René Redzepi, Sermitsiamut oqarpoq, naatsiiat nunatsinneersut mamarluinnaqqissaartut, aamma aserorterlugit, tassa puré-tut kompot-itullu naleqaratik.