Naatsiianik naatitsineq siornarnit pitsaaneruvoq

Savanut nerukkaatissanik kujataani naatitsineq ukioq manna siornarnit pitsaaneruvoq. Naatsiianilli naatitsineq siornarnit ajornerusimalluni.

Savaateqarneq kujataani inuussutissarsiutini pingaarnersaavoq, tamaani savaateqarfiit 51 –upput Nanortallip, Qaqortup Narsallu kommunianiillutik.

Namminersornerullutik ataani Nunalerinermi Siunnersorteqarfimmi siunnersortaanerup Kenneth Høegh-p oqaatigaa, narsaasiani naatsitsineq ukioq manna pitsaanerusimasoq.

- Siorna aasakkut juulimi siallerujussuarpoq, taamaariarmat killuineq kinguartinneqarpoq. Ukioq mannali siusinnerusukkut killuisoqarpoq, taamaalilluni ivikkat pitsaassusii pitsaanerullutik.

Savaateqarfinni 51–usuni savaatillit arfineq marluusut naatsiianik naatitsisarput. Naatsiiat siorna naatinneqartut, Pilersuisoq A/S –mut siullermeertumik tunineqarput. Taamanikkut naatsiiat 90 tons –nik oqimaasusillit tunineqarsimallutik. Kisianni ukioq manna naatsiianik naatitsineq siornarnit ajornerusimavoq.

Savaateqarfinni 51 –usuni 20.000-it sinneqalaartut siorna savaatigineqarsimapput.