Naatsiianik naatitsineq sila pissutigalugu iluatsinngitsoortoq
Silap naatsiianik naatitsinissamut tulluannginnera pissutigalugu Kujataani naatsiianik katersuineq ukioq manna ajornarsimaqaaq. Aviisi AG taama allaaserisaqarpoq.
Allattoq Jonas Fievé
septembarip 16-at 2015 05:04
Nutserisoq Ivik Kristiansen
Siullermik ukiorlunnera pissutigalugu kingusissukkut naatitsiniartoqalerpoq.
Naatitsisoqarnialermallu Kujataani panernersuaqarpoq. Naatitsisulli imerterutit atorlugit tamanna akiorsinnaagaluarpaat.
Tamatumali kingorna avannaq-kippasimmit anorersualerpoq, taannalu soriarfigineqarsinnaanani.
AAMMA ATUARUK Bakterissat Nunatsinniittut Danmarkimi naatsiianik naatitsisartunit iluaqutigineqassapput
- Anorersuarneratigut naatitsisuni arlalinni naatsiiaat inerititassartaat aserorneqarput, naatsiiallu nerititassartaqanngikkunik naasinnaanngillat, Qaqortumi nunalerinermut siunnersuisoqarfimmi siunnersuisuuneq, Aqqalooraq Frederiksen AG-mut oqarpoq.
Naatitsisut ilaasa naatsiiat katersugassaatimik 80 procentii qaangerlugit annaavaat.
