Naatsiialerngusaatileqaat
Kalaallit Nunaanni naatsialerngusaatileqaat!
- Pilersuisoq ukiuni siuliini savaatillit naatsiaataannut akiliutigisakkaminik appaaniarpoq. Akilussineq pissutigalugu savaatillit naatsiaatimik amerlanersaat Brugsenimut tunissamaalerpaat, taama Sermitsiaq ullumi saqqummersoq allappoq.
Pilersuisup tuniniaanermut pisortaa, Kurt Lauritsen, oqarpoq, savaatilinnut toqqortamik tapiissuteqartanera maanna unitsikkitsik.
Toqqortamik oqarnera tassaavoq, Pilersuisumi pisortaasimasup Gerhardt Petersenip nalaani savaatillit naatsiaataasa allamiut naatsiaataannit qaffasinnerusumik akilerneqartarsimanerat.
Savaatillit naatsiiat akii pillugit isumaqatigiinniartitaat Otto Nielsen oqarpoq isumaqatigiinniartoqartoq.
- Neqeroorfigineqarsimagaluarpugut siornatigut naatsiaatitsinnut akiliutigineqartartup affaannaanik. Pilersuisup neqeroorutaa akuerisimasuugutsigu attassinnaasimanavianngikkaluarparput, oqarpoq.
Brugsenimut isumaqatigiinniarnerit suli ingerlapput, naatsorsuutigineqarporlu ukiormanna kujataani savaatinilinnit naatsiaat naatitat 70 tonsit tunisassiarineqarsinnaajumaartut.
