Naatitanut serpalittaatit sinneri sukkornermik nappaateqalersitsisinnaapput
Sukkorneq pillugu misissuinerni inernerit nunat tamalaat ataatsimeersuarneranni saqqummiunneqartut tamanna paasinarsisippaa.
Naatitanut serpalittaatigineqarsimasut sinnerinik sunnerneqarsimagaanni sukkornermik nappaateqalersinnaaneq 61 procentinik annertusisartoq misissuinerit takutippaat.
Nunarsuarmi sukkortut ukiut kingulliit qulit ingerlaneranni marlunngoriaatinngorsimanerannut tamanna takussutissaasinnaasoq oqaatigineqarpoq.
Nakorsiartarfinni nakorsassanik Aarhusip universitetiani ilinniartitsinermi professori Torsten Lauritzen Danmarkimi Sukkortut Peqatigiiffianni aamma siunnersortaanerusoq, taama oqarpoq:
- Inooriaasertik pissutigalugu inuit ilaat type 2 diabetesimik nappaateqalersimasut oqaatigineqakkajuppoq, misissuinerulli massuma aamma takutippaa type 2 diabetesimik nappaateqalersarneq allanik aamma pissuteqarsinnaasoq, Torsten Lauritzen DR-imut oqarpoq.
