Naasut ukiut 300-t sinnerlugit sermip ataaniissimasut naaqqilersut
Sermeq, Teardropimik taaguuneqartinneqartoq, Nunavumilu Ellesmere Islandimiittoq, 2004-imiilli ukiumut 3-4 cm-inik aakkiartulersimavoq. Taamaalillulu sermip ataani soqarnersoq takuneqarsinnaalersimalluni.
Naasut sermip ataaniissimasut ilaat suli qorsooqqissut biologit ilmaluginiarsimavaat. Sunaaffa issuatsiat.
Ilisimatuut ningiuat, Catherine La Farge, Canadian Pressimut oqaluttuarpoq, naasut sermip ataaniissimasut suli qorsooqqinneri tupaallaatigisimallugu, allaanngilarooq naasut toquusaqqaannarsimasut, toqunatillu asiusimanngimmata.
Ilisimatuut issuatsiat misissuivimminni naateqqissinnaasimavaat.
Misissuinerisa inerneri sapaatit akunnerani uani saqqummiunneqartut, issittupilussuarmi inuuniarnerup ilisimasaqarfiginerulernissaanut atorneqarsinnaanissaat neriuutigineqarpoq.