Naasorsiooqarfiup siunissaa nalorninartorsiorpoq
- Ilisimatuutut oqassaguma oqartariaqarpunga Naasorsiooqarfiup matuneqannginnissaanut pissutissarpassuaqartoq, immaqa hornorujunillunniit, Ilisimatusarfissuulli ilisimatusarneq eqqarsaatiginagu aningaasat kisiisa eqqarsaatigai, ilisimatooq Reinhardt Møbjerg Kristensen, zoologiimut aamma Issittumut ilisimatuutut tusaamasaasoq, kiisalu Naasorsiooqarfimmi Siunnersuisoqatigiinnut siulittaasuusoq, oqarpoq.
Københavnimi Ilisimatusarfissuaq Naasorsiooqarfimmut 3,7 millionit koruuninik ukiumut aningaasaliisarpoq, aamma ilisimatusartut ukiumut 2 millionit koruunit missaannik aningaasaateqarfinnit assigiinngitsunit aningaasaliiffigineqartarput. Atuagassiaq Magisterbladet taama allaaserisaqarpoq.
- Naasorsiooqarfiup ukiuni pingasuni suli ingerlanissaa qulakkeerneqareerpoq, tamatumali kingorna qanoq pisoqassanersoq nalunarpoq, Møbjerg Kristensen mianersoqqusivoq.
Ilisimatuut 30-kkaarlutik Naasorsiooqarfimmiittarput, soorlu sakkutuut imarsiortut, aamma ujarassiuut Danmarkimeersuunerusut, uumasunik naasunillu ilisimatusartarlutik, minnerunngitsumillu silap pissusaata allanngoriartornera ilisimatusarfigineqarpoq.
