Naartusut sukkuusalinnik sodavanditortartut erniaarnerusarput

Naartusut sukkuusanik akulinnik ullormut liiterimik ataatsimik sodavanditortarunik, siusinaarlutik erninissaat ilimanarnerusarpoq.
juulip 16-at 2010 07:15

Misissuinermi Statens Seruminstitutimit suleqataaffigineqartumi oqaatigineqarpoq, naartusut sukkuusanik akulinnik ullormut liiterimik ataatsimik sodavanditortarunik, imaluunniit saftitortarunik, siusinaarlutik erninissaat 78 procentinik ilimanarnerusartoq.

Aamma naak nakorsat mianersoqqussummik nalunaaruteqannginnerminni annerusumik misissuisoqarnissaa kissaatigigaluaraat, nakorsat ernisussiortartut peqatigiiffiata siulittaasua, Charlotte Søgaard, iliuuseqarnissaminut piareersimavoq.

- Isumaqarpunga naartusut sodavanditunnginnissaannik maannangaaq siunnersoreersinnaagivut. Sodavanditussagunillu sodavandit sukkuusallit pinaveersaartariaqarpaat, Charlotte Søgaard Danmarkip Radioanut oqarpoq.

Misissuisoqareeraluartorli, naartusut sodavandinik sukkuusalinnik sodavanditortarsimasut Charlotte Søgaardip ernumaqqunngilai.

- Sodavanditortarsimagunik ernumasariaqanngillat. Siusinaartumimmi ernisartut maannamut qaqutigoortuupput, sodavandillu sukkuusallit erniaarnerunermik aamma kinguneqarsinnaagaluartut, erniaartartut maannamut qaqutigoortuupput, Charlotte Søgaard naggasiivoq.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk