Naartusut pujortartut akornanni sulisariaqanngillat

Danskit nakorsaasa sulinerup nalaani naartusut pujortarfigitittartut sulinngiffeqartittalersimavaat.

Tamatumunnga tunngavilersuutigineqarpoq, arnaq naartusoq pujortarfigitikkaangat naartuanut sunniuttarmat, naartuata oqinneruneranik kinguneqartumik.

Danskit nujalerisuisa kusassaasartuisalu peqatigiiffianni ilaasortaq naartusoq nakorsarisaata peqqusimavaa suliffiup iluani pujortarfigineqartarmat suliunnaarallartariaqartoq. Arnarli suliunnaarusussimanngilaq, sulisitsisualu iliuuseqarusuppallaarsimanani.

Naggataagulli nujaleriffimmi pujortartoqaqqusaajunnaarpoq, naartusorlu suliartoqqissinnaalerluni.

Aningaasarsiaqarluni suliunnaarallartarneq Danmarkimi suliffigissaasut maleruagassiaannik tunngaveqarpoq. Nakorsap naartusoq suliunnaarallaqquppagu, naartusoq sullivinnik nakkutilliisoqarfimmut saaffiginnissinnaavoq, taakkulu arnap suliffiani avatangiisit naliliiffigiartortarpaat, pisariaqarpat allannguinissanik siunnersuutigineqartarlutik.

Suliffinni avatangiisit pillugit atuagassiaq malillugu naartusut marluk suliffimmi pujortartoqartarnera pillugu sulinngiffeqartitaapput.