Naartusut naartunermik nalaanni nipaallisaatinik iisartagartornissartik sissuissavaat.
Tamanna nunarsuarmi misissuinermi uppernarsaatitaqartumi erserpoq, tassani iisartakkat nipaallisaatit aamma nukappiaqqat inoorlaat hormoonii imminnut attaveqartut takutinneqarmat.
Nipaallisaatit paracetamol-imik akullit, assersuutigalugu Pinex-it, Panodil-it aamma Pamol-it kisimik iisartagaagaluarput naartusunut innersuunneqarsinnaasut.
Kisianni DTU-mi aamma Rigshospitalimi ilisimatusarnerit takutippaat innersuussinerit kukkunerusut.
Misissuinerup takutippaa iisartagartorsimagaanni taava anisuup pitsaassusaa millisarpoq aamma kinguaasiuutit sananeqaataat allanngortartut. Taama misissuinermi ilisimatusartoq, Morten Søndergaard Jensen, Aarhus Universitetimeersoq oqarpoq.
Arnat naartusut paracetamol-inik iisartagartorsimasut 30 procentimik meeqqanik ajoqusersimasunik meerartaarnissaminnut ulorianartorsiornerupput.
Ernumanaatillu aamma ilagaat nipaallisaatit nalinginnaasumik atorneqaraluarpataluunniit ajoqusernerit pisinnaammata.
Eqqarsaatigeqqittariaqarparput uku uloriananngitsutut isigisagut aamma ulorianaateqannginnersut, DR TV-mi nakorsaq Peter Qvortrup Geisling oqarpoq, taassunalu naartusut anniaateqarpata nakorsamut orniguteqqullugit.