Naartusut imigassartoqqusaajunnaassasut
Arnat naartunerminni aalakoornartutunngilluinnarnissaat inassutigineqartalissasoq, Danmarkimi Peqqinnissamut Qullersaqarfiup maanna nalilersuleruttorpaa.
Innuttaasut peqqissusaannik misissuisarfiup naartuut 100.000-it malittarinerisigut paasivaa imigassaq aalakoornartoq annikitsunnguugaluartorluunniit meeqqamut kinguneqarnerlussinnaasartoq.
-Arnaq sapaatip-akunneranut immertarfiit sisamat imigassartoruni siusinaarluni ernisinnaavoq.
Taamaattumik Peqqinnissamut Qullersaqarfiup nalilersuinera pisariaqarsoraara, professor Morten Grønbæk nutaarsiassaqartitsivimmut Ritzauimut oqarpoq.
Naartusut nakorsamut imigassartorsinnaanerminnik apeqquteqaraangata imertarfik ataaseq ullormut imersinnaagaat – pisariaqavippat – maannamut oqaatigineqartaraluarpoq.
Misissuinerit takutippaat ullormut ataasinnguugaluarpalluunniit piivinneqartariaqartoq.
Danmarkimi Peqqinnissamut Qullersaqarfiup misissuinerisa aamma takutippaat naartusut 80 procentii naartunerminni imigassartortartut.