Naartuersittartut amerliartorput

Inuusuttuaqqat ernisartut amerlassusaat nikerarpallaanngilaq. Akerlianilli naartuersittartut amerliartorput, taamatut nalunaaruteqarpoq peqqinnissaqarfimmik nakkutilliisoq Knud Brinkløv Jensen.

Naartuersinnermi arnat ukiui qassiugaluarpataluunniit naartuersittartut amerliartorput.

2003-mi kalaallit arnat agguaqatigiissillugu 2,3-riarlutik naartuersipput. Nunanut allanut sanilliullugu kisitsit qaffaseqaaq.

Danmarkimi arnat agguaqatigiisillugu 0,4-riarlutik naartuersipput Savalimmiunilu kisitsit taamaginnangajappoq 0,2-jugami.

Naartulersoorsoraluni iisartakkap naartuumik katatsitsisinnaasup illersuuteqaranilu atoqateqarnerup kingunerisaanik iineqartartup naartuersittarnerit ikilisissinnaavai.

Iisartagaq pisiniarfinni suli pisiarineqarsinnaanngilaq nakorsiartarfinnili saaffiginninnikkut pissarsiarineqarsinnaalluni.

- Atorneqarpianngilaq, Knud Brinkløv Jensen oqarpoq. Taassuma iisartakkap amerlanernit iineqartarsinnaanera neriuutigaa, naartuersittarnerit ilai pinngitsoorneqarsinnaaniassammata.

Maniitsumi peqqinnissaqarfik iisartakkamik taassuminnga amerlanerit iisisarniassammata suliniuteqarluarsimavoq.

- tamannalu malunnarluarpoq, Knud Brinkløv Jensen oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat