Naartuersinnissamut illersuisut unnerluussassanngortissamaarpaat
Tamanna Savalimmiuni assut aalassatsitsivoq, politimesterilu iliuuseqarnialerpoq.
- Savalimmiuni oqartussaasut attuumassuteqarsinnaasut peqatigalugit misissuissaagut. Imaassinnaavoq unnerluussassanngortitsinissarput eqqarsaatersuutigigipput, Savalimmiuni politimesteri, Karen Marie Olsen, nutaarsiassaqartitsivimmut Ritzauimut oqarpoq.
Nakorsamut naartuersinneq Savalimmiuni inerteqqutaavoq, taamaammallu Danmarkimi peqatigiiffik arnanut Savalimmiormiunut naartuersikkusuttunut maanna neqerooruteqarnialerluni.
Soorlu arnap naartunermini sapaatip akunneri qulingiluanngortinnagit, iisartakkanik iisilluni naartuni katassinnaavaa. Sapaatilli akunneri qulingiluat sinnersimappagit, Danmarkimi napparsimmaviit naalagaaffimmit pigineqanngitsut arlaanni naartuersinnissaa peqatigiiffiup akilersinnaagaa neqeroorutigineqarpoq.