Naartuersinnerup akeqalernissaa oqaluuserisassanngortinneqalersoq
-Naartuersinnerup akeqalertariaqarnera qineqqusaarutiginikuuara, naartuersittartullu ukiumut 900-t missaannik amerlassusillit amerlavallaarujussuarput taamaattumik Inatsisartut upernaamut ataatsimiilerpata oqaluuserisassanngortissavara, Malik Bethelsen oqarpoq nangillunilu:
Naartuersittoqartarneranut Peqqinnissaqarfiup aningaasartuutigisartagai ukiumut 13,5 mio kruunit allamut atorluarneqalersinnaagaluarput, sulisullu nukitik allanut atulissagaluarpaat.
Naalakkersuisunili siuttut Inuit Ataqatigiit isummaminnik allanngortitsisimanngillat.
-Atuisut akiliuteqartalernissaannik isuma IA-miit aqqutissaasorinngilarput. Naartuersissinnaaneq pisinnaatitaaffiusoq allanngortikkusunngilarput, Inatsisartuni peqqissutsimut ataatsimiitsitaliami siulittaasoq Olga P. Berthelsen oqarpoq. Taassuma erseqqissaatigaa ataatsimiitsitaliaq sinnerlugu taamak oqaaseqannginnami.
Ilanngutassiaq Qanoruumi unnugu takujuk.